EN

Galwad Am Bapurau: Gwaith a Chwarae

O'r Cwrt Tenis i Nuit Debout, mae gwaith a chwarae wedi chwarae rhan mewn trefnu bywyd cymdeithasol-wleidyddol yng Ngweriniaeth Ffrainc.  O safbwynt diwylliannol hefyd, mae gwaith a chwarae yn cyfrannu at ffurfio hunaniaeth, ac mae hyn yn gwahodd rhywun i adfyfyrio ar y perthnasoedd grym sydd yn y fantol wrth adeiladu a dadadeiladu hunaniaethau. Wrth wahodd cynigion am bapurau ar y thema hon, mae'r gynhadledd hon yn ceisio cynnull ynghyd ystod eang o ddulliau disgyblaethol i ystyried damcaniaethau, sylwadau, arferion a chysylltiadau rhwng gwaith a chwarae yn Ffrainc a gweddill y byd Ffrangeg ei iaith. Bwriad thema'r gynhadledd, sy'n rhychwantu cymdeithaseg, gwleidyddiaeth, anthropoleg yn ogystal ag estheteg a diwylliant, yw ysgogi trafodaeth ar draws maes ymchwil eang.

Gwahoddir cynigion ar gyfer papurau 20 munud yn y meysydd canlynol (nid yw'r rhestr yn gynhwysfawr):

  • Gwleidyddiaeth gwaith a chwarae: llafur a hamdden
  • Perthnasoedd rhwng dosbarthiadau, mudiadau cymdeithasol
  • Materion hunaniaeth: gender, rhywioldeb, cyrff, iaith
  • Seicolegau: gwyriad, gwrthryfel, iselder, hiwmor
  • Damcaniaethau ac arferion 'perfformio'
  • Aestheteg gwaith a chwarae: arbrofi, addasu
  • Gofodau gwaith a chwarae: gwirioneddol, rhithwir
  • Athroniaethau gwaith a chwarae
  • Chwaraeon, gemau
  • Diweithdra, diogi
  • Gwaith, chwarae ac amser

Rydym yn gwahodd y ddau gynnig (uchafswm o 250 o eiriau) ar gyfer papurau unigol a phaneli, a ddylai gynnwys tri chyflwynydd a chadeirydd wedi ei enwi.  Ugain munud fydd hyd pob papur a gellir traddodi yn Saesneg neu Ffrangeg.  Anogir myfyrwyr ôl-raddedig yn gryf i gyflwyno papurau.

Gwobr Traethawd Ol-radd

Anogir ol-raddedigion sy'n cyflwyno yn y gynhadledd i gyflwyno eu papurau ar gyfer Gwobr Traethawd Ôl-radd ASMCF.  Mae'r Wobr yn cynnwys siec am £50 a gwahoddiad i'r enillydd gyflwyno eu papur i gyfnodolyn y Gymdeithas, Modern and Contemporary France.  Os hoffech fwy o wybodaeth am y wobr, cysylltwch á Cynrychiolydd Ol-raddedigion ASMCF, James Illingworth: jillingworth01@qub.ac.uk

Mae cynllun ar y gweill ar gyfer cyhoeddiad fydd yn gysylltiedig â thema'r Gynhadledd.